美国队长3 英雄内战

2020-07-30 作者: 围观:153 80 评论
全城期待嘅《 美国队长3 英雄内战 》下星期上映,你撑队长定撑Iron Man先?「开战」热潮已经打到黎香港。想率先一睹佢地「真身」,听日(22/4)就要去旺角MOKO新世纪广场嘅期间限定店喇,现场会展出咗Hot Toys製作嘅1:1雕像,像真度超高,入场前一定要去同佢哋selfie打卡呀!

《 美国队长3 英雄内战 》Hot Toys 旺角限定店

锺意储figure嘅朋友,一定知道Hot Toys嘅出品质素几高,今次喺旺角MOKO新世纪广场,除咗会展出Hot Toys打造嘅1:1雕像外,仲有期间限定店,有售初次登场嘅限量1:6珍藏人偶,要买就要快手d喇!

美国队长3 英雄内战
除咗美国队长同IronMan Mark XLVI,仲有蚁侠同战斗机器添!
美国队长3 英雄内战
Hot Toys出品一向有保证,雕塑手工超级精细。
美国队长3 英雄内战
会场另一边就係期间限定店,同时展出咗多个1:6珍藏人偶系列。

美国队长(内战别注版)及红女巫(复联别注版)两款係会场限定商品,而且限量发售,记者睇过,像真度真係好高,而且仲有唔同表情同配件,製作非常用心。

美国队长3 英雄内战
左:美国队长(内战别注版)1:6珍藏人偶 $1,480(限量300个、需预订)右:红女巫(复联别注版)1:6珍藏人偶 $1,430(限量500个)
美国队长 & Iron Man迷你珍藏人偶

美国队长同Iron Man 迷你人偶Cosbaby系列一向受欢迎,今次呢两set都係会场独家发售嘅新品,分为係着上装备嘅美国队长加Mark XLVI(电镀版),同埋以真面目示人嘅Steve Rogers加Tony Stark(绒毛版),真係好难拣!

美国队长3 英雄内战
美国队长& Mark XLVI(电镀版)Cosbaby Bobble-head迷你珍藏人偶 $198/套
美国队长3 英雄内战
Steve Rogers & Tony Stark(绒毛版)Cosbaby Bobble-head迷你珍藏人偶 $198/套

以下精品亦係会场率先发售,每款都好吸引,记者好担心自己荷包负唔负担到。

美国队长3 英雄内战
上:Team Iron Man Cosbaby Bobble-head迷你珍藏人偶套装 $450/套下:Team Captain America Cosbaby Bobble-head迷你珍藏人偶套装 $530/套
美国队长3 英雄内战
Mark XLVI / 美国队长Cosbaby造型咕o臣 $148/个
美国队长3 英雄内战
Iron Man水晶头盔玻璃杯 $118

MARVEL《 美国队长3 英雄内战 》期间限定店 powered by Hot Toys

日期:4月22日至5月15日

地点:MOKO新世纪广场MTR楼层

时间:11am-9pm(星期五、六及公众假期将延长至10pm)

相关浏览推荐